| |
Project Developer:
Cas Bon
Ave. Milio Croes #38A
Aruba • Dutch Caribbean
Tel: 00-297-583-7700
Fax: 00-297-583-6900
Email: info@casbon.net |
|
| |
 |
|
Cas
Bon: Laga nos hibaBo cas
(Entrevista cu Mayrin Croes, Directora di Cas Bon)
Cas Bon ta un compania di desaroyo di tereno pa cas y
construccion di cas estableci for di ana 1996, cu e meta
pa construi cas pa cada persona teniendo cuenta cu e
presupuesto i gusto di cada cliente.
Algun di nos projectonan ta: Villa Park Paradera cu 54
cas, 37 cas traha pa FCCA na Mabon, Sabana Villas na
Sabana Liber cu 140 cas, Surfside Villas na Aruba Racquet
Club cu 38 i nos projecto mas recien ta Tanki Leendert
Villa Park cu 22 cas. Pa mayoria di e projectonan aki
nos ta percura pa verkavel e tereno, pa e infrastructura
completo (caminda, corriente, awa, telefoon y cable)
te na construccion di cas. Ademas, mi kier a enfatisa
cu nos ta traha cas pa clientenan cu tin nan mes un tereno.
Asina den transcurso di ananan nos
tin mas cu 200 cas construi den diferente
barionan di Aruba.
Nos ta dedica na nos cliente. A base di un investigacion
cu Cas Bon a jega di haci, a sali afor cu un gran parti
di hende cu ta busca cas ta hendenan cu entrada entre
Afl. 2.500 te Afl. 4.000 pa luna. Pa e personan aki no
tabata tin nada riba mercado. I tampoco nan por a bin
na remarke pa cas social. Asina aki, Cas Bon ta e prome
compania cu a cuminsa abastece e mercado aki. Nos tin
casnan desde Afl. 78.000 incluyendo tereno cu Bo por
bin na remarce cu un entrada desde Afl. 2.500 pa luna.
Cas Bon ta un compania cu ta conta cu un staff professional,
y dedica completamente na e cliente pa consehe con pa
jega na su finaciamento- buscamento di tereno den nan
barrio di preferencia - guia pa escohe of desaroya modelo
di su cas - te ora cu nos entrege e jabi di su cas. Asina
Cas Bon ta juda cada famia realisa su soño.
Un ta por nada nos lema ta “Laga
nos hibabo cas”.
For di un cas chikito te na un cas grandi nos ta juda
Bo den cada stap di e proceso pa asina Bo tambe por jega
na Bo propio cas.
Nos ta traha casnan segun deseo i presupuesto di cada
cliente. Cada cliente tin escogencia serca nos for di
un tereno den nan barrio di preferencia, modelo, grandura
i acabado segun nan gusto i presupuesto. Ora cu e trabow
di construccion cuminsa, nos team lo percura pa traha
un cas di calidad pa Bo, bao supervision di un di nos
ingenieronan. Cada fase di construccion ta wordo certifica
pa tanto nos ingeniero controlado y esun di Bo banco.
Pa asina Bo cas wordo entrega na tempo i cu calidad
garantisa.
Despues di a construi mas di 200 cas full rond di Aruba,
Cas Bon ta awe un compania fuerte y solido cu ta gosa
di confiansa y un bon reputacion serca tur institucionnan
financiero. Consequentemente, e punto di referencia mas
grandi ta tur e banconan local como tambe FCCA, sin lubida
nos clientele cu continuamente ta birando mas grandi.
Nos casnan ta wordo 100% financia pa tur Banco i FCCA.
Cas Bon kier juda Bo haci bo soño di tin “Bo
propio cas” bira un realidad, nos oficina ta situa
na Fergusonstraat # 38-A.
<<
Back to Press Releases |
|
|
|
|
|
